Tél. 26 33 64-1 - Luxsenior.lu

Léif Memberen vun der ASBL Uelzechtdall
Zu Biissen wunnen 2878 Leit, dovun hunn 1/4 iwwer 50 Joer. Hir Interêten
sinn e bëssen anescht, wéi déi vun deene méi Jonken. Duerfir sinn ech als
Buergermeeschter frou, dass net nëmmen d’Gemeng dorop uecht deet hire
Besoine gerecht ze ginn. Sou hu mir zu Biissen déi äifreg Equipe vun der
A.G.E.P, déi d’Relève vun der Amiperas iwwerholl huet. Si bitt den eelere
Biisser Leit eng Réi Aktivitéiten un an erlaabt et hinnen, bei Kaffi a Kuch
regelméisseg zesummen ze kommen. Och d’Kommissioun vum 3ten Alter
ass ganz engagéiert, an organiséiert iwwert d’Joer verschidden Ausflich
an aner Aktivitéiten. Si ass och d’Initiatorin vun eiser Iess-Stuff, an där
déi eeler Leit all zweeten Donneschdeg (ausser an de Vakanzen) zesummen
iesse kennen.
Wa Biissen elo dem Club Uelzechtdall bäitrëtt, da well an der Vergaangenheet
schon eng Rei Leit vu Biissen déi breet Offer vun der Associatioun
genotzt hunn. Selbstverständlech mecht dëse Bäitrëtt och fir all déi
aner Leit d’Offer méi grouss, zemools, wa si bis ewell nach net driwwer
informéiert waren.
Als Buergermeeschter vu Biissen hoffen ech natierlech, dass an der
d’Zukunft déi eng oder aner Aktivitéit vum Club Uelzechtdall bei eiser
Gemeng proposéiert gëtt. Ma ech sinn iwwerzeegt, dass dee ganze Programm
positiv vun de Biisser Leit opgeholl, a mat Freed ugeholl gëtt.
Ech wënschen de Responsabelen an alle Bedeelegte vum Club Uelzechtdall
weider vill Erfolleg, dëst am Interêt vun all den eelere Leit, déi an
de Gemenge wunnen, déi dës Initiativ ënnerstëtzen.
Aly Bauer
Buergermeeschter vun der Gemeng Biissen
5