Skrifter i Samling Band 2 - Aasentunet

28 Skrifter i Samling II
denne vaar sæle sumarljose Natt,
daa Jordi ligg i Skrud
og søv som ei Brud,
og Dagen vakjer trutt um Landet.
3. Her heve alt ein venare Lit,
han gjerer meg so godt i Hjarta;
her er dat rett, som alt hadde Vit
og kunde baade læ’ og garta.
Folket og eg er like som eitt;
alt kvat dei segja, skynar eg so greidt;
og aldri er dar Ord
paa all dan vide Jord,
som ganga meg so til Hjarta.
4. Her kann eg kjenna Bygder og Bol
og Berg i so ymsa Rader;
Fjøra og Fjell og Himmel og Sol
er kjendar’ en andre Stader.
Saart hev’ eg saknat Heimen ei Tid,
difyr’ er han no so kjær og so blid.
Lat koma kvat, som kann:
eg møter som ein Mann,
og aldri fer eg ut or Landet.
Nei, utor Landet; fer eg inkje, men utor Garden?
– ja dat er eit annat spursmaal. Stakars Aamund,
du gled deg paa tunt Øl. Dar er ingen heime, som
ventar paa deg, og ingen som vil sjaa deg helder.
Dar er komet nytt Folk i Faderhuset, og vil du sjaa
inn i dat, so lyt du tigga fiint um Lov, og dat kann
gjerne henda, at du slepp inkje inn helder. Du eig
inkje so myket Hus som eit Gjeitefjos, inkje so myket
Jord som ein Næpereit; altsaman er gjenget fraa deg
og komet i framande Hender, og dat kann lett laga
seg so, at du fær inkje atter ein einaste Grand av
alt ihop, og so lyt du fara ut-atter like snaud, som