Skrifter i Samling Band 2 - Aasentunet

Skrifter i Samling II
at heile denne Flokken er eit Solfylgje (Solsystem),
med di at heile Radi svingar seg kring um Soli og
fær sitt Ljos fraa henne.
Utanfyre desse Flutningsstjernorna er der ogso
nokre som dei kalla Kometor, det er Haarstjernor,
av di at dei hava nokot med seg, som er likt til
ein Hale elder Dusk; men desse Synerna era vandslege
aa skyna, og det er uvisst, um det er nokot
hardt elder heilt To i deim. Det kann ogso vera
mange Aar, at ein ikkje ser deim.
Dei andre Stjernorna era jamt aa finna paa same
Staden elder i same Bolken som fyrr; og difyre era
dei kallade faste Stjernor (Fixstjernor). Dei era uteljande
mange, som ein kann sjaa med Augom, og
endaa fleire, som ein ser med Glas; men dei era so
udømelege langt burte, at ein fær ikkje sjaa nokot
stort meir en ein lysande Prikk, som det skulde vera
ei Sol i eit umælelegt Fraastand. Og difyre hava
Folk ogso tenkt, at det maa vera Soler, som standa
lika so langt ifraa kvarandre som fraa vaar eigen
Synstad, og at det er mogelegt, at dei hava sine
Fylgje-Klotar elder Planetor kring um seg likasom
vaar eigi Sol. Vistnog er detta nokot, som me ikkje
kunna vita til Fullnad; men er det so som det synest
vera, so maa baade vaar Jord med all sin Storleike
og endaa vaar Sol med alt sitt Fylgje vera berre ein
liten Deil av det store Skaparverket. Og dermed
kunna me daa faa eit Hugbod um, kor litet det er,
som me vita, og kor liti all Magt paa Jordi er imot
den Magti, som styrer det store Verket i den umælelege
Himmelrømdi. Men med det same maa me ogso
minnast, at Skaparen er lika so stor i det smaae som
i det store og heve Tilsyn med det smaae sovel som
med det store. «Han kjenner kvar Saal i sitt Rike»,
som det heiter i Salmen; og um no hans Rike er
større en alt, som me kunna skyna, so faa me endaa
tru, at han er allstad lika nær og alltid lika vakande.
239