Skrifter i Samling Band 2 - Aasentunet

Skrifter i Samling II
han ikkje just klæder seg i Kjole og Krage paa
Herremanns Viis, um han eter sin Graut og drikker
si Blanda, som Folk hava gjort fyrr. Eg tenkjer der
kann vera god Framgang i eit Hus, um det inkje er
maalat paa alla Sidor og fullsett med Speglar og
Blomsterkrukkor. Eg helder det fyre eit litet Framstig,
at Folk leggja all sin Kostnad paa Veggjer og
Skaaper, og helder svelta og tyrsta en vilja høyra,
at det seer simpelt ut i Huset. Og helder inkje held
eg det fyrre nokon stor Framgang, at Folk vilja tufsa
burt i allskyns Lærdom, og naar dei hava lært nokre
nye Namn og nye Notar, tykjast vera komne so
uhorvelege langt fram, at deit berre læja aat sine Forfeder
og gjera Narr av all deira Tru og Tanke. Dei
gamle visste ogso, kvat dei gjorde, og det spyrst,
um det nye vil halda seg beter i Lengdi. Det var
paa ein Stad nord i Landet, at der kom nokre framande
fyre nokre Aar sidan, som lastade paa Bønderne
fyre det, at dei budde i Rotstovor elder Røykstovor,
og sagde deim, at detta var berre Svinaferd
og Raaskap ifraa den gamle Villmannskapen. Daa
var det nokre av deim, som bygde seg Omnstovor
og vilde sjaa um det vardt so mykjet gildare. Men
dei angrade paa Skiftet og saago, at det gamle høvde
deim best, og sidan hava dei bygt seg Røykstovor
etter den gamle Visi. Og same Vegen vil det vel
ogso ganga med ymse andre Skifte, som hava voret
utropade som eit stort Framstig, men som i Røyndi
synest helder vera Nyfikna og Tidarspille.
Der er visse Skilsteinar og Endemerke fyre all
Framgang i denne Heimen. Det hender og stundom,
at det, som eingong var kallat Framgang, verd sidan
kallat Attergang, so den heile Rørsla er snaraste som
eit Umdriv, ei Kringrenning elder ein Ringstraum som
fører Mannen med seg baade vidt og breidt, men
sidstpaa seter honom upp atter paa same Staden som
fyrr, elder kann henda driver honom av til ei verre
195