Skrifter i Samling Band 2 - Aasentunet

194 Skrifter i Samling II
hever voret ei Framgangstid paa alla Sidor. Den som
hever livt i den Mannsaldren daa Eimskipi og Eimvognerne
komo til, daa Telegrafen elder Bodsendingstraaden
var uppfunnen, daa Gaslysingi var innførd i
Byarne, og allskyns andre Umbøter og Lettingar i
Ervedet vordo upptekne, han maa vel segja, at han
hever voret uppe i ei Framgangstid. Og i slika Tider
er det mest umoglegt fyre eit Lands Folk at standa
urørlegt paa same Stiget som fyrr. Det eine Landet
dreg det andre med seg, og der dei store ganga
fyre, vilja dei smaae dalka etter. Vistnog er det no
so, at det er ikkje alle, som njota godt av desse
Framstigi, kannhenda det og er einkvar som tapar,
medan andre vinna. Og naar dei fleste vinna, so lyt
ein no kalla det Framgang likavel. Men det som eg
her vilde segja, var just det, at me inkje skulde gjera
nokot stort Skrøyt av slike Framstig, som me inkje
sjølve gjorde Upphavet til, men som me helder vaaro
nøydde til at gjera, naar me skulde fylgja nokorleides
jamt med dei Landslydom, som stodo næst
attved oss.
Di næst er det no ogso merkande, at det er mangt,
som sume kalla Framgang, men som aldri er stort
verdt. Det er stundom høyrande til, at alle nye Vendingar
skulde heita Framgang; det er ymse Folk,
som ero reint for fatige paa alle gamle Sedvanar og
vilja berre, at Folk skal alltid freista nokot nytt anten
det so er slikt elder slikt. Men det er ikkje alt galet,
som gamalt er, og helder ikkje alt nyttugt som nytt
er. Kunna Folk faa seg betre Hus og betre Bunad
av sin eigen Tilkostnad og inkje paa Laan og Borg,
so er det ein Framgang, som er Mun i. Kunna dei
faa betre Kunnskap og Upplysning, so er det ogso
ein Framgang, soframt Kunnskapen er sann og gagnleg
og inkje berre gjeng ut paa faafengde Gruvlingar
paa Ting, som inkje koma Folket ved. Eg tenkjer
at ein Mann kann vera ein god Framgangsmann, um