Skrifter i Samling Band 2 - Aasentunet

192 Skrifter i Samling II
føra si eigi Sak og fremja si eigi Æra, og dette
maatte daa og verda ei Minning fyre Aalmugen um,
at han skulde sjølv vera med i Raadi um Landsens
Velferd og inkje lenger venta alle Ting utanifraa.
Alt detta er store Ting og gode Ting, so at Landsens
Folk hever stor Orsak til at gledja seg i Minnet
um det Tidarskiftet, daa den nye Riksskipnaden
var grundlagd. Men med all Gleda skal ein daa ikkje
reint gløyma, at alle Mannsens Tilstellingar ero ufullkomne,
og all hans Lukka utrygg og lett umskifteleg.
Det er nyttelegt at minna seg um at Fridomen
og Sjølvbyrgdi alltid er trugad med ymse Faarar
baade utantil og innantil, so det trengst ei god
Gøymsla og Gjætsla, um ikkje nokor Ugreida skal
koma paa. Og det kann ogso vera vel verdt at
tenkja etter, um alt det gode er framkomet, som ein
kunde venta seg etter slike gode Grunnlag og slike
heppelege etterfylgjande Tider. Det er godt og vel,
at Folkatalet hever stiget og at det endaa er meir
Mat og fleire Pengar i Landet en fyrr, at mangein
Jordflekk er upprudd, og mangein Veg er brøytt elder
beinkad, at det gjeng fleira Vogner paa Landet og
fleira Skutor i Sjoen. Men det kann og vera eit
Spursmaal, um her er større Hugnad imillom Folket
og større Velnøgje i Landet no en fyrr. Det er godt
og vel, at der er mange fleire Skular i Landet, og
at Ungdomen lærer myket meir en fyrr; men ein
kann stundom spyrja, um det inkje verd myket lært,
som inkje trengdest, og um inkje myket av dette er
framdrivet med Tvang og Trugsmaal, inkje med vinleg
Tilvending til Aalmugen men helder tvert imot
hans Vilje. Det er ogso vel, at Folket lærer mange
nye Ting og gjerer seg beter kjent med den store
Verdi; men det er eit stort Spursmaal, um denne
Lærdomen er innkomen paa rette Maaten og med
det rette Umsyn til den gamle Folkaseden; um Aalmugen
hever notet den same Retten her som i andre