Skrifter i Samling Band 2 - Aasentunet

178 Skrifter i Samling II
Tensta, men paa Vegen møtte dei ein stor Jøtul og
vordo so rædde, at dei rende beint heimatter. Faderen
deilte paa deim fyre detta og eggjade deim
ut atter. Daa fekk Aasmund vera med, og daa gjekk
altsaman godt, for Aasmund gav seg radt i Kast
med Jøtulen og drap honom. Sidan var Aasmund
lenge med Kongen og var alltid den fremste i alle
Storverk. Eingong sende Kongen honom av til aa
søkja Skatt av ei ovrik Enkja, som heitte Torgerd
Høldatroll og budde paa ei stor Øy nord i Landet
Detta var ei faarleg Ferd, for Torgerd var so trollkunnig,
at ho gjorde Ende paa alle, som komo der
imot hennar Vilje. Aasmund kom til Lands og fann
fyrst ei ung og fager Gjenta, som var Dotter til Torgerd;
ho bad honom spara Moder hennar, um so
var, at han skulde vinna, som det var liti Von til.
Sidan fann han Kjerringi sjølv; men ho vilde inkje
reida nokon Skatt, utan han vilde kappast med henne
i ymse «Lister» elder Kunster, som ho skulde syna
honom; den fyrste Listi var, at dei skulde vada igjenom
ein stor Eld; den andre var, at den eine skulde
leggja Foten sin paa ein Stabbe og lata hin hogga
til med all si Magt; den tridje var, at dei skulde
gløypa gloande Jarn, fyrst ho og sidan han. Aasmund
gjekk inn paa altsaman og krossade og signade
seg, so Trolldomen inkje skadde honom; sidstpaa
naadde han ogso til aa signa Jarnet, som Torgerd
skulde gløypa; dermed gjekk Trolldomen av, og Jarnet
brende henne, so ho fekk so vondt, at ho var
reint uppgjevi. Sidan tok Aasmund alt hennar Gods
til Kongen, og Dotter hennar fylgde honom godviljug
og vardt sidan Kona hans. Eingong seinare foor
Kongen sjølv i Lag med Aasmund og tvo andre
Menner til Nordland og skulde kristna eit Par Folk,
som endaa vaaro Heidningar og trudde paa eit avskræmelegt
Troll, som dei kallade Volske. Der vardt
det ein stor Bardage; Kjerringi sjølv tok Tak med