Kvalitetsmåling i psykiatrien i de nordiske lande - Dansk Psykiatrisk ...

Í frágreiðingini verða sostatt lýstar allar dygdarábendingar, ið nýttar
verða í ymsu Norðurlondunum innan hesi øki í sálarsjúkufrøðini, tá hugsað
verður um viðgerð av sjúklingum í sjúkrahúsviðgerð og
útistovuviðgerð í sambandi við hesa. Í frágreiðingini verða harumframt
víst ítøkilig dømi um dygdarmátingar við støði í ábendingum í ymisku
londunum til tess at lýsa nýtsluna av ábendingarmátingum fyri dygdarmenning
innan sjálarsjúkufrøði í Norðurlondum.
Frágreiðingin sýnir, at á nøkrum økjum ber til at fáa til vega dáta, so
til ber at samanbera tvørtur um norðurlendsk landamørk, meðan tað á
øðrum økjum bert eru tøk dáta í minni mun. Hetta ber í sær, at tað
framvegis á fleiri økjum er tørvur á at menna felags norðurlendskar
ábendingar. Frágreiðingin lýsir somuleiðis tørvin á munandi virksemi til
tess at tryggja dygdina á dátum. Hetta ber í sær, at ein røð av úrslitum
neyvan eru eftirfarandi, lutvíst tí at dáta verða gjørd upp so ymiskt í
Norðurlondum, og lutvíst av tí at dáta innan ávís øki bert eru til taks í
avmarkaðari nøgd.
Frágreiðingin skjalprógvar, at í Norðurlondum eru stórir møguleikar
at máta og monitorera veitingardygd heilsuverksins innan sálarsjúkufrøði.
Í alheimshøpi er hetta økið ikki væl lýst. Norðurlond eru tí millum
teirra, sum eru komin longst, tá ið dygd verður mátað. Orsøkin til hetta
er, at dygdarmenning í Norðurlondum verður raðfest høgt, umframt at
Norðurlond hava eindømismøguleikar fyri dygdarmáting í sálarsjúkufrøðini,
lutvíst av tí at vælvirkandi heilsuskráir eru skipaðar, og lutvíst tí
at til ber at fáa til vega dáta fyri einstaka sjúklingin.
Sostatt er neyvan ivi um, at Norðurlond í stóran mun kunnu geva
íkast til íblástur og samstarv um dygdarmeting grundað á dygdarábendingar
innan sálarsjúkufrøðina á alheimsstøði.
142 Kvalitetsmåling i psykiatrien