Fire Trails

Fire ire Trails
Trails
GEBEDSGIDS
GEBEDSGIDS
6 6 Ma Maart Ma Maart
art – 16 April 2011

FIRE TRAILS INISIATIEF
Die FIRE TRAILS inisiatief wil nasionale bedieninge, bewegings en kerke in
Suid-Afrika vir 40 dae verenig om plaaslike gemeenskappe te dien en by te
staan om volgehoue en Bybelse transformasie te bewerkstellig. Aksiegroepe
sal dorpe en stede op die vier roetes (“trails”) op uitnodiging besoek. Dorpe
en stede wat nie op die roetes (“trails”) is nie en wat byeenkomste in hul eie
gemeenskappe organiseer, sal stasies (“stations”) genoem word. Kerke en
Christene in Suid-Afrika word uitgenooi om hande te vat om as 'n eenheid
hul gemeenskappe saam te dien.
Hierdie boekie is 'n gebedsgids wat gedurende hierdie 40 dae inisiatief
gebruik kan word. Dit kan egter ook as 'n gebedsgids vir herlewing vir enige
tydperk aangewend word. Buiten hierdie gids kan intersessors die daaglikse
vordering op die “blogs” op die webblad www.firetrails.co.za volg. Die
dorpe en stede wat betrokke is, datums en ander inligting is ook op die
webblad beskikbaar.
VUUR
In die Bybel is daar baie voorbeelde van waar God Homself sigbaar gemaak
het vir mense deur vuur te stuur. In die Ou Testament het God vuur gestuur
om die Tabernakel wat Moses gebou het en die Tempel wat Salomo gebou
het, in te wy. In albei gevalle het die vuur op die offeraltaar geval en die
offer heeltemal verteer (Lev.9:24; 2 Kron.7:1). Hierdie vuur wat God self
aangesteek het, mag nooit geblus word nie (Lev. 6:13). Vuur het op
soortgelyke wyse ook op ander offers geval bv. tydens Elia se konfrontasie
met die Baal priesters (1Kon.18:38); Gideon (Rigt.6:21) en Dawid
(1Kron.21:26). By ander geleenthede het God se oordeelsvuur gekom om
mense te verteer, soos bv. Aaron se seuns (Lev 10:2); mense wat gekla het
(Num.11:1,2) en 250 mans wat meegding het om Aaron se posisie
(Num.16:35). Die enigste plek in die Nuwe Testament waar vuur uit die
hemel gekom het, was toe God tydens Pinkster die Heilige Gees uitgestort
het (Hand.2:3). God self staan bekend as 'n verterende vuur (Deut.4:24;
Hebr.12:29). Wanneer ons vandag bid en vra vir die vuur van God, verwys
ons na die werk van die Heilige Gees in die lewens van gelowiges om te

einig en te heilig, maar ook dat dit die ongelowiges sal oortuig van hulle
sondes (Joh.16:8).
Verskeie profetiese woorde praat oor baie jare van 'n vuur (die werk van die
Heilige Gees) wat in Suid-Afrika sal ontvlam en dan soos 'n veldbrand
regdeur Afrika en die res van die wêreld sal versprei. Baie inisiatiewe het as
gevolg van hierdie profetiese woorde ontstaan. Sedert die evangelie tydens
die 17de en 18de eeu na die sub-kontinent gekom het, het herlewing in
verskeie gemeenskappe in Suid-Afrika uitgebreek. Die herlewings van 1857-
1860, 1865-1888 en in 1900-1906 was wydverspreid. Die meeste ander
herlewings was plaaslik van aard en het net sekere gemeenskappe geraak.
Suid-Afrika het nog nie 'n herlewing beleef wat die kern van die
politieke/sosiale/ekonomiese weefsel van ons nasie geraak het nie. Baie
gelowiges smag hierna en bid hiervoor. Fire Trails is 'n inisiatief wat hierdie
begeerte vir landswye herlewing wil aanvuur. Dit nooi gelowiges uit en
moedig hulle aan om hulself as lewende offers te gee en te bid vir die
loslating van God se sigbare glorie in ons tyd. Dit moedig gelowiges aan om
hande te vat en die liggaam van Christus te verenig om korporatief
verantwoordelikheid te aanvaar vir die toekoms van ons geliefde land. Kom
ons vertrou Hom vir vrug in ons eie lewens, die lewens van ongelowiges en
die vestiging van geregtigheid in ons nasie, wanneer ons dan God se
aangesig soek en bid, soos nog nooit vantevore nie.
Hoe om hierdie gebedsgids te gebruik
Die gebedsgids is in 'n weeklikse formaat geskryf. Lees die skrifgedeeltes
daagliks hardop as 'n proklamasie oor Suid-Afrika. Volg dan die instruksies
vir persoonlike, gemeenskaps en nasionale gebede. Daar is 'n sterk
gebedsfokus op gesinne en families, die hoekstene van ons samelewing.
Skryf jou gesprekke met God vir hierdie 40 dae neer in 'n gebedsjoernaal.
Indien jy enige geestelike insig gedurende hierdie gebedstye oor Suid-Afrika
ontvang, stuur dit asseblief aan: furnace@jwipn.com. Laat die Heilige Gees
toe om jou lewe te verander en jou as 'n instrument van transformasie vir
ons nasie te gebruik.

WEEK 1: DAG 1-7 “Hy doop met die Heilige Gees en vuur”
(Matt.3:11)
Proklamasie: Gebruik die volgende skrifgedeeltes om gedurende die
volgende week Jesus se Heerskappy oor jou eie lewe, kerk, dorp/stad en
nasie te proklameer.
Jes.9:6-7
Hand.2:36-39
1Kor.15:3-7
Fil.2:9-11
Joh.1:1-5
Heb.1:1-13
Openb.19:11-16
ONS GOD IS 'n VERTERENDE VUUR (Heb.12:29)
Herlewing kom wanneer God se kinders voldoen aan die voorwaardes van 2
Kronieke 7:14 – “…en my volk oor wie my Naam uitgeroep is, toon berou en
bid en vra na my wil en draai terug van hul bose weë af…”
God se teenwoordigheid hou gevolge in. Mediteer oor die volgende
skrifgedeeltes wanneer jy bid dat God se teenwoordigheid in Suid-Afrika sal
manifesteer.
Ps.50:3
Jes.66:14-16
Deut.4:23-31
Eks.19:10-20
Heb.12:14-29
Efes.1:17
Here Jesus Christus, ons buig laag voor U. Deursoek ons harte en deurgrond
ons gedagtes en ingesteldheid. Skenk ons 'n nuwe hart en 'n nuwe gees om
U te ken en al U gebooie te gehoorsaam. Amen.
Seëning: Bid Num.6:24-26 as 'n seën oor Suid-Afrika.

Week 1: HERSTEL VAN DIE FAMILIE-ALTAAR
MAAK TYD. Kyk of julle nie ten minste twee geleenthede per week kan kry
om saam te bid nie. Vir sommige gesinne is dit maklik om daagliks bymekaar
te kom. Ander verkies dit om soggens bymekaar te kom en ander weer
saans. Julle sal saam besluite moet neem om die gesinsaltaar te laat werk!
BYBELS. Maak seker dat elke gesinslid sy/haar Bybel saambring wanneer
julle bymekaar kom.
LEES HARDOP. Die hoof van die huis sal normaalweg 'n gedeelte uit die
Bybel lees en dan aan die ander geleentheid gee om hul gedagtes daaroor
te lug. Gesinslede kan dan om die beurt gedeeltes uit die Skrif lees en dit
bespreek. Die verantwoordelike persoon vir daardie dag kan vooraf 'n
bietjie voorberei.
BESPREEK. Wanneer julle 'n Skrifgedeelte bespreek, vra praktiese vrae oor
hoe dit op die hedendaagse lewe van toepassing is. Dit word dan ook 'n
gebedspunt wanneer julle later saam bid.
BID. Gee geleentheid vir gebed. Praat eers oor die sake waaroor julle wil
bid. Dit kan persoonlik, oor die skool, werksake, iets uit die koerante wees
of gebede vir die land. Elkeen kies dan 'n gebedspunt om te bid. So kry
elkeen 'n beurt om te bid.
KYK WYER. Bid vir jou plaaslike gemeenskap, die geestelike leiers, herlewing
in die kerk, regering, sendelinge en vir die uitbreiding van God se koninkryk.
KRISIS. Gesinsverhoudings is partykeer stram as gevolg van iets wat gebeur
het. Gaan sit eers en probeer oor alles wat spanning en afstand tussen julle
veroorsaak, te praat. Bid daaroor. Moenie mekaar beskuldig of vir mekaar
onder gebed preek nie. Vergifnis is een van die hoekstene van die evangelie.
Selfs wanneer julle van mekaar verskil en nie 'n oplossing kan vind nie, bid
dan en vra die Here om vir julle deur die Heilige Gees 'n oplossing te gee.
REDDING. In baie gesinne is daar een of twee lede wat nie ten volle hulle
lewens aan die Here oorgegee het nie. Sommige kan selfs nog ongered of
opstandig wees. Moenie hulle forseer om te bid of uit die Bybel te lees nie,
maar vra hulle om wel deel van die gesinsbyeenkoms te wees. Moenie hulle
veroordeel nie. Wys dat jy hulle liefhet. As hulle doelbewus moeilike vrae
vra, luister na hulle en erken wanneer jy nie die antwoord het nie. Moenie
stry nie. Reageer met dieselfde liefdevolle genade waarmee God jou
hanteer en wees geduldig.

Week 2: Dag 8-14 “Die Gees van Waarheid” (Joh.16:13).
Proklamasie: Gebruik die volgende Skrifgedeeltes om in die komende week
die waarheid oor die werking en Persoon van die Heilige Gees oor ons nasie
te proklameer.
Jes.11:2
Joh.6:63
Joh.14:12-18, 26
Joh.15:26
Joh.16:7-13
1Kor.12:1-11
Gal.5:22-26
BESNY JULLE HARTE (Deut 10:16)
God se oordeel kan die sondaar verteer, maar God se heilige vuur verteer
die sonde in gelowiges wat tot inkeer kom en hulle aan God oorgee. Dit
reinig hulle.– Uit: Revival Fire deur Wesley Deuwel.
God begeer 'n rein en heilige Kerk. Mediteer oor die volgende skrifgedeeltes
wanneer jy hierdie week bid vir die reinigende vuur van die Heilige Gees.
Ps.29:7
Jer.4:1-4
Jer.23:23-29
Joël.2:12-17
2Tess.5:3
Efes.4:17-32
Rom.8:26-28
Heilige Gees, blaas weer oor ons. Suiwer ons, reinig ons en heilig ons. Bou
ons op tot 'n geestelike huis vir God. Ons maak ons harte oop dat U ons kan
besny en alles verwyder wat verhoed dat God tussen ons kan staan. Amen.
Seën: Bid Rom.15:13 as 'n seëning oor Suid-Afrika.

Week 2: BID VIR MANS
BELOFTES. Bid dat elke man sal onthou watter beloftes hy voor God aan sy
vrou gemaak het en dat hy sy huweliksbeloftes sal nakom.
VARS LIEFDE. Bid dat elke man sy vrou weer sal liefhê soos hy sy eie lewe en
liggaam liefhet; dat hy sy vrou sal versorg, koester en liefhê soos Christus
die kerk liefhet en dat hy homself aan sy vrou en kinders sal gee net soos
Jesus dit vir die Kerk gedoen het.
GESINSALTAAR. Bid dat hy die gesinsaltaar in sy huis sal herstel; dat hy sy
vrou sal was en heilig met die water van die Woord en haar sal aanmoedig
om God se roeping vir haar na te volg.
TYD EN GELD. Bid dat elke man opnuut sal besin oor hoe hy sy tyd en geld
spandeer; dat hy as getroude man saam met sy vrou sal besluit en beplan
hoe hulle geld maandeliks spandeer moet word (Efes.5:26-30).
NEEM MOEILIKE BESLUITE. Bid dat God elke man sal help om hom los te
maak van die wyer familie en hom aan sy vrou en kinders toe te wy soos
God dit wil hê (Efes.5:31).
OM 'n VADER TE WEES. Bid dat vaders nie voortdurend hul kinders sal tart
en verbitterd maak deur negatiewe opmerkings en kritiek nie, maar hulle op
'n goddellike manier sal dissiplineer en aanmoedig om hul idientiteit, gawes
en talente ten volle te uit te leef (Kol.3:20-21).
OM 'n PRIESTER TE WEES. Bid dat elke man sy priesterlike rol sal opneem
en 'n voorbeeld vir sy kinders sal wees in die manier waarop hy sy vrou as
die swakkere geslag hanteer, sodat hulle kan bid sonder dat iets hulle
hinder (1 Pet.3:7-8).
VRIENDE. Bid dat elke man wat sy lewe aan God gegee het, goeie vriende
sal vind en by 'n gebedsgroep sal aansluit met manne wat hom sal mentor,
bemoedig en ondersteun en hom sal leer hoe om as 'n dissipel van die Here
Jesus te groei.
HEILIGE HANDE. Vra dat manne oral, waar hulle ookal bymekaarkom met 'n
skoon gewete hul hande in gebed tot God sal ophef (1 Tim.2:8). Dit is God
se wil. Bid dat manne gebedsgroepe in gemeentes en in hulle werksplekke
sal begin waar hulle sal intree vir die gemeente, die werksplek en die land.
Bid dat meer manne sal aanmeld om na die sendingvelde van die wêreld te
gaan om die evangelie na die onbereikte nasies te neem.

Week 3: Dag 15-21 “Die Vader van die Gemeenskap van
Gelowiges op aarde” (Efes.3:14,15).
Proklamasie: Gebruik die volgende skrifgedeeltes om die heerlikheid van
ons hemelse Vader oor jou lewe, familie, gemeente, gemeenskap en nasie
te proklameer.
Matt.6:6-15
Joh.4:23-24
Joh.6:37-44
Joh.14:1-13
Joh.16:25-28
Joh.17:1-26
Openb.4:2-11
ONS ROEP: “ABBA! VADER!” (Gal.4:6)
'n Ware herlewing is niks minder as 'n rewolusie wat die gees van die
wêreld uitwerp en God se liefde in jou hart laat triomfeer nie - Andrew
Murray.
Jesus het God as die Vader openbaar. Mediteer oor die volgende skrifgedeeltes
gedurende hierdie week en bid dat God as Vader aan hierdie
vaderlose geslag van Suid-Afrika openbaar sal word.
Mal.1:6
Mat.5:43-48
Mat.6:1-15
Luk.15:11-32
Joh.6:35-40
Joh.14:2-7
1Kor.15:19-28
Hemelse Vader, U het u Seun gestuur om u Vaderskap aan ons te openbaar.
Ons glo Hom. Verander ons harte en verstand en maak ons u getuies, sodat
elke gesin in ons land U kan ken as Vader. Amen.
Seën: Bid Rom.15:5-6 as 'n seëning oor Suid-Afrika.

Week 3: BID VIR VROUE
HELPER: God het die vrou as 'n helper vir haar man geskep. Bid dat elke
vrou sal verstaan hoe om haar man se helper te wees, hom aan te vul en die
vennoot te wees wat God wil hê sy moet wees. Bid dat sy haar man so sal
ondersteun dat hy haar sal liefhê en koester.
RESPEK: Bid dat elke vrou haar man sal respekteer en eer en vrywillig
onderdanig sal wees aan haar man soos Jesus verwag dat die Kerk aan Hom
onderdanig sal wees. Bid dat sy so onselfsugtig sal leef dat haar gedrag selfs
haar ongelowige man tot geloof sal bring. Bid vir elke vrou wat afgeskeep
voel deur haar man om getrou te bly en op God te vertrou om vir haar te
veg. Bid dat God elke vrou teen ontrou en mishandeling sal beskerm (Efes.
5:22-24; 1Kor.7:14).
MOEDERS: Bid dat elke vrou 'n liefdevolle moeder sal wees wat haar
kinders sal leer om God en ander mense lief te hê, te respekteer en te eer.
Bid dat sy 'n voorbeeld sal stel van hoe dissipels van Jesus bid, hoe ‘n mens
uitreik na ander mense en hoe jy hulle hanteer.
TUISTESKEPPER: Bid dat elke vrou 'n liefdevolle en veilige tuiste vir haar
gesin sal skep. Dat sy wys sal wees in die manier waarop sy die finansies
hanteer sodat daar in al die behoeftes van die gesin voorsien kan word.
VREDEMAKER: Bid dat elke vrou en moeder as vredemaker in haar huis sal
optree. Bid dat sy nie bakleierig, veroordelend en inmengerig sal optree nie,
maar wys, verstandig en betroubaar sal wees. Bid dat elke vrou haar man en
kinders se beste vriend en vertroueling sal wees. Bid dat haar lewe van
morele integriteit en reinheid sal getuig.
GASVRY: Bid dat elke vrou alle besoekers aan haar huis, vriende of
vreemdelinge, sal verwelkom en dat haar man en kinders haar daarvoor sal
seën. Bid dat sy godvresende vriendinne sal hê wat haar sal bemoedig en
ondersteun.
INTERSESSOR: Bid dat elke vrou wys en getrou sal intree vir haar man en
kinders. Bid dat sy haar geestelike kos en krag by God sal sal kry.
SELFBEHEERSING: Bid dat sy versigtig sal wees om nie verslaaf te raak aan
televisieprogramme, skinderpraatjies, oordadige inkopies, ooreet ens. nie.
SPREUKE 31: Bid dat elke vrou sal streef om soos 'n Spr.31 vrou te wees wat
'n seën vir die nasie sal wees en deur haar man, kinders, bure, vriende en
gemeenskap geseën word.

Week 4: Dag 22-28 “Een liggaam in Christus” (Rom.12:5).
Proklamasie: Gebruik die volgende skrifgedeeltes om gedurende hierdie
week God se heerlikheid in Sy aardse liggaam, die Kerk, te proklameer.
Efes.3:4-10
Joh.17:20-23
Matt.16:15-19
Efes.2:13-22
1Pet.2:1-5
1Kor.6:19,20
Openb.5:6-10
“SONDER VLEK OF RIMPEL, HEILIG EN ONBERISPELIK.” (Efes.5:27)
Die eerste en vernaamste bewys van die doping met die Heilige Gees, is 'n
heilige lewe. – Uit: Revival Praying by Leonard Ravenhill.
Tree saam met Jesus in vir die Kerk. Mediteer oor die volgende
skrifgedeeltes in hierdie week en bid dat die Kerk al meer aan Christus
gelykvormig sal word.
Lev.6:9-12
Rom.12:1-3
Luk.9:22-26
Matt.15:8-20
1Joh.2:7-17
Joh.15:8
Gal.5:22-23
Here Jesus Christus, ek gee myself aan U as 'n lewende offer. Mag die vuur
van God my so verteer dat ek saam met Paulus kan verklaar: “Ek is saam
met Christus gekruisig en nou is dit nie meer ek wat leef nie, maar Christus
wat in my lewe”. Amen.
Seën: Bid Hand.4:24-30 as 'n seënbede oor Suid-Afrika.

Week 4: BID VIR KINDERS
LEWE: Dank God vir elke kind wat die doodsvonnis van aborsie vrygespring
het. Loof God vir ouers wat wil kinders hê en hulle dankbaar ontvang as 'n
geskenk uit God se hand (Ps.127:3-5).
EER: Bid dat kerke weer klem sal lê op die vyfde gebod en dat daar 'n geslag
sal grootword wat verstaan hoe ernstig God voel oor seëninge en vloeke
(Efes.6:1-3).
DISSIPLINE: Bid dat kinders die regte leiding sal ontvang van hul ouers,
onderwysers en ander volwassenes. Bid vir godvresende rolmodelle in
leiersposisies en in die vermaaklikheidswêreld om voorbeelde van heiligheid
en regverdigheid vir die jonger geslag te wees. (Spr.22:6; 29:15).
REDDING: Bid vir die redding van kinders. Dit is 'n bewese feit dat die
meeste mense besluit om Jesus te volg voordat hulle 20 jaar oud is. Bid vir
effektiewe werk onder die kinders en vir suksesvolle dissipelskapkursusse in
gemeentes en selgroepe. Bid dat kinders van 'n jong ouderdom af sal leer
om verantwoordelikheid te aanvaar vir hul eie optrede en reaksies (Ps.78:5-
8; Pred.4:13).
DISSIPELSKAP: Bid dat die kinders wat Jesus as hul Here aanvaar het,
behoorlik begelei en geleer sal word. Bid dat dissipelskapgroepe in skole
opgerig sal word. Bid dat kinders gehoorsaam sal wees aan die Woord van
God, om 'n gesonde verantwoordelikheid te ontwikkel om die evangelie uit
te dra en gewillig sal wees om te antwoord wanneer God hulle geslag sou
roep.
GROEPSDRUK: Bid dat kinders vreesloos sal wees en nie aan groepsdruk vir
die plesiere en versoekings van hierdie lewe sal toegee nie. Bid dat die
kinders van God dapper sal getuig van hulle geloof en dat hulle die gawe sal
ontvang om hul vriende en onderwysers te beïnvloed.
DEERNIS: Bid vir 'n geslag wat die nood rondom hulle sal raaksien en
deernis en die begeerte sal hê om uit te reik na mense wat swaarkry, in
nood verkeer, verwaarloos is en uitgeworpenes van die samelewing is. Bid
dat die kinders sal leer om selfloos te leef, ander te dien, vrygewig te wees
met hul seëninge en om God se beginsels van genade te verstaan.
HEILIGHEID: Bid vir 'n geslag kinders wat afgesonder word vir God se
koninkryk. Bid dat hulle sal opstaan en 'n Openb.14:1-5 geslag sal wees.

Week 5: Dag 29-35 “Hy is die bron van ewige redding” (Heb.5:9).
Proklameer: Gebruik hierdie skrifgedeeltes om redding oor ons nasie te
proklameer.
Joh.1:9-14
Joh.3:16-21
Rom.10:9-10
Heb.8:10-12
1Joh.1:5-9
Luk.24:45-47
Luk.10:2-22
“ONS SMEEK JULLE: AANVAAR DIE REDDING WAT GOD BEWERK HET!”
(2Kor.5:20)
Die verlorenes kan nooit deur afstandbeheer gewen word nie. Die Kerk
moet uitgaan en hulle gaan haal. – Uit: Baptise with Fire by Arthur
Skevington Wood.
Die engele het die geboorte van die Verlosser aangekondig; ons moet sy
dood en opstanding proklameer. Mediteer oor die volgende skrifgedeeltes
gedurende hierdie week en bid vir die redding van Suid-Afrikaners. Gaan
dan uit en bring hulle na God toe!
Joh.3:17
Hand.1:8
Mat.28:18-20
Luk.10:2-20
Joh.20:21-23
Hand.26:15-18
2Tim.4:1-8
Here Jesus Christus, open my oë sodat ek die oes kan sien. Ek maak my hart
oop om op u roepstem te antwoord. Hier is ek, stuur my! Amen.
Seën: Bid Luk.6:28 as 'n seëning oor Suid-Afrika.

Week 5: BID VIR TIENERS
Tieners word groot in 'n vyandige wêreld. Daar is min riglyne vir absolute
waarheid, grense rakende verhoudings of beperkings op sonde, min rolmodelle
vir reinheid en integriteit en 'n konstante aanslag op hul sintuie vanuit alle
rigtings van die samelewing. Gesinne is gebroke. Baie ervaar verwardheid,
verwerping, eensaamheid, wanhoop en groeps- en ouerdruk.
DISSIPLINE: Bid vir 'n geslag tieners wat hulself sal dissiplineer volgens die Woord
van God (Ps.119:9).
SEKSUELE REINHEID: Ongeveer 81% van alle Suid-Afrikaanse kinders tussen die
ouderdomme van 13 en 17 het al pornografie op hul selfone gesien, 67% is deur
films en die internet aan pornografie blootgestel. Bo en behalwe die gevaarlike
en skadelike invloed op 'n tiener se psige, veroorsaak hierdie tipe blootstelling
aan seksuele prikkeling dat tieners seksueel aktief raak lank voordat hulle
emosioneel volwasse genoeg is daarvoor. Bid dat God die jeug sal versterk om
hierdie kragtige versoekings te weerstaan en hulle te verlos van seksuele
verslawing en onrein geeste. Bid vir rolmodelle wat seksuele reinheid uitleef en
wys hoe gesonde verhoudings lyk. (2Tim.2:22)
DWELM EN ALKOHOL MISBRUIK: Inname van groot hoeveelhede alkohol
verhinder selfbeheersing en selfbewustheid en lei maklik tot onverantwoordelike
gedrag. Tieners wat onder die invloed is, is ook meer geneig daartoe om dwelms
te gebruik en seks te hê. Bid vir die identifisering en arrestasie van dwelmbendes
in skole. Bid dat die ouers groter verantwoordelikheid vir hul kinders sal aanvaar
en dat Christen tieners se voorbeeld ander sal help wat sukkel. (1Pet.5:8,9).
SELFOON, TV & REKENAARSPELETJIES: Tegnologie is goed, maar kan skadelik
wees wanneer dit jou hele lewe oorneem en die enigste vorm van sosiale
interaksie is wat jy het. Dit lei tot ernstige versteurings in die vermoë om in die
alledaagse lewe te funksioneer. Jy beleef die waarheid en werklikheid deur jou
sintuie – deur te sien, te hoor, te voel, te ruik en te proe. Verslawing aan die
media kan 'n poging wees om depressie en angstigheid te beheer en
onderliggende onsekerhede en gevoelens van leegheid weg te steek. Bid dat
tieners sal besef dat mediaverslawing jou nie kan bevredig nie, dat hulle sal smag
na die ware lewe en dat die houvas wat Satan op die gedagtegang van hierdie
geslag tieners het, verbreek sal word. (2Kor.4:4; Fil.4:8).
VOORKOMS: Bid dat tieners God sal eer deur die klere en die juwele wat hulle
dra en hoe hulle met die teenoorgestelde geslag omgaan.

Week 6: Dag 36-40 “Hy is die “ja” van God, die “ja” op al
God se beloftes” (2Kor.1:20).
Proklamasie: Gebruik hierdie skrifgedeeltes gedurende hierdie week om
God se beloftes oor jou lewe, gesin, gemeente, gemeenskap en nasie te
proklameer.
Heb.6:16-20
1Kor.15:51-57
Rom.8:35-39
Fil.4:6,7,13,19
Matt.28:20
2Pet.3:9
Joh.14:1-3
“EK SAL JOU BESLIS RYKLIK SEëN…” (Heb.6:14)
Die wêreld het nog nie gesien wat God kan doen met iemand wat geheel en
al toegewy aan Hom leef nie.
Joh.17:15-24
1Tess.4:3-7
Eks.29:37-46
Lev.22:31-32
Rom.15:8-21
1Kor.6-9-20
1Pet.2:11-15
Hemelse Vader, Here Jesus Christus en Heilige Gees, ek wy my gees, siel en
liggaam aan U alleen. Ek wil U verheerlik in alles wat ek dink, doen en sê.
Heilig my met U heilige vuur. Laat my lewe en die lewens van alle gelowiges
so 'n getuienis wees van u liefde, genade en geregtigheid dat die mense van
Suid-Afrika in U sal glo. Amen.
Seën: Bid 1Tess.5:23-24 as 'n seëning oor die Kerk in Suid-Afrika.

Week 6: BID VIR OUERS
AANVAAR DIT… Ouers is nie perfek nie. Of hulle by die huis is of nie, geskei
of van mekaar verwyder is, hulle bly ouers. Dank God vir die voorreg om
ouers te hê. Bid dat God familiebande sal herstel.
GESINSTYD… Bid dat God ouers sal help om hul kinders se behoeftes te
verstaan en graag tyd met hulle kinders sal wil spandeer. Bid dat ouers en
kinders hulle programme so sal inrig dat hulle meer tyd saam as 'n gesin sal
kan deurbring.
HULLE WERK… Die ekonomiese klimaat het werklik die wêreld en
werksomstandighede van ouers verander. Bid dat hulle in staat sal wees om
al die moeilike omstandighede by die werk te kan hanteer. Vra dat God aan
hulle vrede in die werksplek sal skenk, dat hulle lewens en werk gegrond sal
wees op integriteit en dat hulle nie so rykdom sal najaag dat hulle nie na
hulle gesinne sal kan omsien of tyd sal hê vir hulle gesinne nie. Bid dat die
probleem van die afwesige vader aangespreek sal word.
HUL HUWELIK… Bid dat ouers nie egskeiding as 'n oplossing vir hul
huweliksprobleme sal sien nie. Bid dat daar meer gesinsberaders sal wees
wat ouers kan help om probleme uit te sorteer voordat dit hulle begin
vernietig. Bid vir gesinne wat uitmekaargeskeur is deur egskeiding om weer
te genees en dat God die leegheid en pyn wat ouers en kinders ervaar, sal
vul en genees. Bid dat enkelouers die vermoë sal hê om 'n gesonde tuiste
vir kinders te skep en 'n ondersteuningstelsel vir die hele gesin sal hê. Bid vir
die emosionele beskerming van kinders wat ma of pa net af en toe kan
besoek.
HUL OUTORITEIT… Bid vir die herstel van ouerlike outoriteit sonder
mishandeling. Herinner God aan sy belofte dat die harte van die vaders sal
draai na die kinders en dat die harte van kinders sal draai na hul ouers. Bid
dat ouers die wysheid sal hê om leiding te neem en hul kinders sal help om
tot volwassenheid te groei. Bid dat godvresende ouerskap in elke huis in ons
land gevestig sal word. Bid dat gesinne waar mishandeling plaasvind, hulp
sal ontvang en sal genees. Bid dat kerke die belangrikheid van die gesin sal
verstaan en spesiaal sal fokus op gesinsbedieninge.
GESINSEKURITEIT… Bid dat die huise 'n liefdevolle en veilige tuiste vir hul
kinders sal wees. Bid dat gesinsgeweld en mishandeling, asook bloedskande
aangemeld en behoorlik hanteer sal word. Bid vir geestelike leiers om as
toesighouers oor gesinne op te tree en gesinne wat sukkel daarmee te help.

Dorpe/Stede wat 'n Fire Trail geleentheid aanbied
ROETE 1: Sirkelroete (Circle Trail). Roete: Seinheuwel, Bloemfontein,
Richardsbaai, Nelspruit, Polokwane, Pretoria, Oos-Rand. Roete
Koördineerder: Katrien Ferreira, katrien_ferreira@yahoo.com, 083 457
3612.
ROETE 2: Westelike Roete (Western Trail). Roete: Seinheuwel, Kaapstad,
Moorreesburg, Clanwilliam, Vanrhynsdorp, Nieuwoudtville, Loeriesfontein,
Calvinia, Williston, Brandvlei, Kenhardt, Springbok, Kakamas/Riemvasmaak,
Upington, Prieska, Kimberley, Kuruman, Vryburg, Mafikeng, Rustenburg,
Thabazimbi, Lephalale, Alldays/Mapungubwe, Musina/Beitbrug, Sterkfontein
Grotte (Mogale City). Koördineerder: Jaap Le Roux, jaap@gdop-sa.com,
078 330 9230.
ROETE 3: Oostelike Roete (Eastern Trail). Roete: Seinheuwel, Kaap Agulhas,
Rheenendal, Knysna, George, Port Elizabeth, Cradock, Umtata, Durban,
Swaziland, Maputo/Mozambique, Kempton Park, Potchefstroom, Pretoria.
Koördineerder: Rita Maree, ritamaree@live.co.za, 082 535 7656.
ROETE 4: Sentrale Roete (Central Trail). Roete: Seinheuwel, Worcester,
Tulbagh, Porterville, Vaalharts, Bloemfontein, Kroonstad (Koppies, Welkom,
Hennenman, Viljoenskroon, Bothaville, Ventersburg, Winburg, Steynsrus,
Senekal), Mokopane, Musina, Beitbridge, Zimbabwe (Sheshane).
Koördineerder: Hennie Bekker, bekkermail@gmail.com, 083 306 2825.
FIRE TRAIL HARDLOPERS (RUNNERS). Roete: Pretoria, Moloto, Dennilton,
Luckau, Ga-Mogashoa, Burgersfort, Makgelane, Trichardtsdal, Nkambako,
Giyani, Thohoyandou, Makunya, Muswodi, Tsipise, Beitbrug. Koördineerder:
De Wet De Beer, dewet@styletechnique.co.za, 082 373 3987.
Saam met die vier Trails, sal Tracks kleiner dele van die land dek.
TRACK 1: Noordwes. Roete: Lichtenburg, Klerksdorp, Potchefstroom. Track
Koördineerder: Willem Badenhorst, willem.badenhorst@moreleta.co.za,
Tel nr. 012 997 8034.
TRACK 2: Vrystaat. Roete: Petrusville, Ficksburg, Lindley, Bloemfontein.
Koördineerder: Daru de Wet. 071 444 7444.

INDIVIDUELE DORPE/STASIES: Onderstaande individuele dorpe, genaamd
“stasies” (Fire Stations), sal geleenthede aanbied wat by die Fire Trail
inisiatief inskakel: Bethal, Stilbaai, Clanwilliam, Aroab (Namibië), Hamillton,
Citrusdal, Meyerton, Stilbaai, Secunda, Hendrina, Lydenburg, Witrivier en
Carolina. Vir inligting oor hierdie dorpe, kontak asseblief vir Waldo Nagel,
waldo@firetrails.co.za, 073 553 2836.
Die Fire Trail inisiatief sal ook deel vorm van die Ester/Hadassah
konferensies wat in Burgersfort, Pretoria, Eshowe en Colesberg aangebied
sal word. Kontak prayer@turn2god.co.za.
KINDERS IN GEBED (Children in Prayer): Die volgende dorpe sal deur
hierdie kinders besoek en bedien word: Franschhoek, De Doorns, Gansbaai,
Ertjiesvlei, Tulbagh/Porterville, Beaufort-Wes, Loxton, De Aar, Victoria-Wes,
Britstown, Carnarvon, Colesberg, Noupoort, Petrusville, Vereeniging,
Potchefstroom, Stilbaai, Tzaneen, Mamelodi. Koördineerder: Gerhard
Botha, pray@mweb.co.za, Sel nr. 083 537 9970.
Besoek asseblief www.firetrails.co.za vir enige byvoegings of veranderings
in dorpe of plekke of skakel 073 553 2836.
Daaglikse/weeklikse gebedsversoeke sal op www.firetrails.co.za
beskikbaar gestel word.
Lees die daaglikse blog by www.firetrails.co.za vir nuus en aanpassings.

“ONE-DAY” 24-UUR GEBED
Ons wil graag die Liggaam van Christus landswyd aanmoedig om deel te word van die
landswye gebedsinisiatief “ONE DAY”. Die fokus hiervan is om te bid vir herlewing –
om te bid vir ons land wat smag na herstel, vir die redding van mense, vir hoop vir die
armes en hulpbehoewendes en vir die kerk wat die krag van die Heilige Gees nodig
het.
In Esegiël 22:30 staan daar: Ek het iemand tussen hulle gesoek wat ‘n muur sou bou en
vir die stad in die bres sou tree dat dit nie vernietig word nie….
Gebed is die grondslag van elke poging van die Christene om verandering te probeer
bewerkstellig. Ons moet beslis meer doen as bid, maar ons kan nie enige iets doen
voordat ons nie gebid het nie. Bevestiging hiervan blyk duidelik uit ons geskiedenis. ’n
Gemeente wat bid, is ‘n gemeente wat die krag van God sal ervaar. Huidiglik ervaar
ons ‘n groot behoefte aan die gebede van die hele liggaam van Christus, maw dat elke
Christen sal bid. Ons moet Sy beloftes ons eie maak, Sy karakter vertrou, staatmaak op
Sy genade en goedertierenheid en glo dat Hy ons gebede beantwoord.
Deur “ONE DAY” wil ons gemeentes, skole, gebedsgroepe, Bybelstudiegroepe, ens
aanmoedig om een dag gedurende 2011 te neem om vir 24 uur te bid (of soveel ure
moontlik gedurende daardie dag). Ons wil individue en lidmate aanmoedig om een uur
(of selfs ‘n halfuur) op daardie dag te neem om saam met die gemeente of groep vir
ons land te bid. Indien moontlik, kan meer as een ONE DAY per jaar geneem word,
afhangende van elkeen se omstandighede. Ons doen ook ‘n beroep op Christene in die
besigheidswêreld om gebedsgroepe by hulle werksplekke op die been te bring.
Wat om te doen gedurende die “ONE DAY” van gebed:
• Bid van middernag tot middernag en vul die 24 uur met individue wat elk een
uur neem om te bid. Moedig alle gemeentelede en individue, selfs kinders, aan om
deel te neem. ‘n Volkleur Gebedsmuur (A1 plakkaat) waarop name vir elke uur
aangebring kan word, is beskikbaar vir diegene wat daarvan gebruik wil maak.
• Doen “prayerwalking” by belangrike, verwaarloosde en bose plekke.
• Hou die aand van die “ONE DAY” ‘n gesamentlike gebedsbyeenkoms vir al die
deelnemers .
Laat weet ons asseblief van julle “ONE DAY” geleentheid. Ons kan vir u gebedspunte en
planne gee wat u kan gebruik, indien u dit sou aanvra. Die gebedsinligting kan dien as
riglyne, maar u word aangemoedig om ook u eie gebedspunte by te voeg.
Kontakbesonderhede: E-pos: oneday@jwipn.com; Tel: +27 12 365 3213; Faks: 086 594
0565; Faks Nr: 086 594 0565

Die Prayer Wall is beskikbaar by Jerigo Mure Gebedsnetwerk, 012-3653213

Gebedsgidse Gebedsgidse is is beskikbaar beskikbaar op op die die Jerigo Jerigo Mure Mure Gebedsnetwerk
Gebedsnetwerk
webblad webblad en en kan kan gratis gratis afgelaai afgelaai afgelaai word word by by www.jwipn.com www.jwipn.com of f bestel
word word vanaf vanaf Jerigo Jerigo Mure Mure se se Pretoria Pretoria kant kantoor kant kantoor
oor: : 012 012-3653213.
012
3653213.
Koste Koste: Koste : R20 plus pos posgeld pos
geld vir vir 10 10 Fire Fire Fire Fire Trail Trail Trail Trail Gebedsgidse
Gebedsgidse