Aluminiumsmelter og vandkraft i det centrale Vestgrønland
Aluminiumsmelter og vandkraft i det centrale Vestgrønland
Aluminiumsmelter og vandkraft i det centrale Vestgrønland
Create successful ePaper yourself
Turn your PDF publications into a flip-book with our unique Google optimized e-Paper software.
Timmiaqassutsit allat nunamut imermulluunniit tarajuunngitsumut atasut,<br />
tassunga ilaallutik qarsaaq, tuullik, kissaviarsuk, kiinaaleeraq nattoralillu,<br />
projektimit annertunerusumik sunnerneqarnavianngillat.<br />
Kalaallit Nunaata Kitaata kujataani nalinginnaasumik eqaloqarpoq nunallu<br />
immikkoortuani pineqartumi tamarmi eqaloqarluni. Imermit nukissiorfiit<br />
pilersinneranni ingerlannerannilu kuuttarnerit allanngussapput,<br />
taamaalillunilu eqaluit uumaniarnissaannut pissutsit aamma allanngorlutik.<br />
Piffimmi aalajangersimasumi imermit nukissiorfiup pilersinnerani<br />
ingerlanneranilu eqaloqassuseq ataaseq sunnerneqassagaluarpat<br />
allaalluunniit nungutinneqarluni eqaloqassutsimut tamarmiusumut<br />
aarlerinartorsiortitsissanngilaq kisianni piffimmi aalisarnermut aalisagaqassuseq<br />
pingaartoq sunnerneqarsinnaavoq. Sukumiinerusumik misissortariaqarpoq<br />
piffimmi eqaloqassuseq qanoq annertutigisumik sunnerneqassanersut.<br />
Tamanna immaqa Sarfartuumi eqaloqassusermut ingammik<br />
attuumassuteqarpoq.<br />
Sinerissap eqqaa ingammik timmissanut timmiarpanngorlutik ivasartunut<br />
pingaaruteqarpoq, minnerunngitsumik appanut taateraanullu, aalisakkat<br />
artiinut sissami suffisartunut (ammassaat nipisaallu) aammalu<br />
qasigissamut nunami piaqqillunilu mamaartartumut. Taamaattumik<br />
projektip nassatarisaanik sunnerneqartussaassapput, minnerunngitsumik<br />
sanaassat sanaartorneqarnerisa nalaannut atatillugu sinerissamiillu<br />
suliaqartoqarluni. Akornutaasinnaasut pinaveersaarneqarsinnaapput<br />
sanaassat akornusersuutaanngitsumik periaaseqarluni piffissanullu<br />
akornusersuutaanngitsunut pilersaarusiornerisigut. Kisiannili aatsiterivimmik<br />
kujasissumut inissiineq, Akianut, nunap immikkoortuata immap<br />
timmiaanut aamma timmissanut naloraarusilinnut uninngaartarfittut<br />
neriniartarfittullu atugaasarneranut assut pitsaanngitsumik sunniuteqaratarsinnaavoq,<br />
umiarsualivimmik ingerlatsiviit il.il. pilersinneranni<br />
suliaqarnerit annertusineqarneri pissutigalugit aamma piffik taanna illoqarfittut<br />
il.il. ineriartortitsiffigineqalissappat.<br />
Nunap immikkoortuata tamarmiusup iluani tuttu piniarneqartarpoq kisianni<br />
annermik Nuup Kangerluata avannaani aamma Kangerlussuup<br />
eqqaani. Piffiit sinerissamut aamma kangerlunnut qanittut qooqqullu<br />
amerlasuut pingaarput. Piniariartarfiit ilai tiffasissumiipput. Nunap immikkoortuani<br />
imermit nukissiornerup aaqqissuunneqarnera tuttunniartarnermut<br />
sunniuteqarsinnaavoq kabelit aqqutissaat aamma imermit<br />
nukissiorfiit piniariartarfinnut inissinneqartussaammata. Pilersitsinerup<br />
nalaa sunniuteqarfiunerpaassaaq. Taakkua saniatigut attaviit aaqqissuunnerisa<br />
pilersinneqarnerat soorlu aqquserniornerit nunap timaanukarsinnaaneq<br />
oqinnerulersissavaa taamaalillunilu piniarfinni siornagut 9<br />
atugaasanngitsuni sunerit assigiinngitsut annertunerulersillugit. Piffissaq<br />
ungasinnerusoq eqqarsaatigalugu aqqusernit sunniuteqarnissaat<br />
atornissaannut qanoq malittarisaliornissaq apeqqutaassaaq.<br />
Umimmanniartarnerup annerpaartaa Kangerlussuup Mittarfiata kujataani<br />
ingerlanneqartarpoq. Aamma Kangerlussuup eqqaani piffinni kangerlummut<br />
qanittuni umimmaat amerlasuut pisarineqartarput. Piniarfiilli<br />
pingaarnerit imermit nukissiorfinnik projekteqarnermit sunnerneqartussat<br />
avataanniipput.<br />
Nunap immikkoortuata iluani timmissat artit ataasiakkaat nunamut<br />
atassuteqartut piniarneqartarput. Tassani aqisseq ingammik pineqarpoq.<br />
11
Change language