Aluminiumsmelter og vandkraft i det centrale Vestgrønland
Aluminiumsmelter og vandkraft i det centrale Vestgrønland
Aluminiumsmelter og vandkraft i det centrale Vestgrønland
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Eqikkagaq<br />
Nalunaarusiaq manna Namminersornerullutik Oqartussanut Danmarks<br />
Miljøundersøgelserimit (Qallunaat Nunaanni Avatangiisinik Misissuisarfik)<br />
aamma Pinngortitaleriffimmit suliarineqarsimavoq Kalaallit Nunaata<br />
Kitaata qeqqani alumiiniumik aatsiterivimmik imermillu nukissiorfinnik<br />
tassunga atasunik pilersitsinissamut tunngatillugu Pilersaarusiornermut<br />
atatillugu Avatangiisit Nalilersornerannut (SMV) atugassanngorlugu.<br />
Nalunaarusiap siunertaraa nunap immikkoortuata projektimit<br />
sunnerneqartussap iluani avatangiisinut pissutsit pillugit maanna<br />
ilisimaneqartut katersussallugit nalilersussallugillu.<br />
Nalunaarusiap naasut uumasullu aammalu pinngortitap pisuussutaasa<br />
piniarnikkut, aalisarnikkut, takornariaqarnikkut il.il. iluaqutigineqarnerat<br />
nassuiarpai. Uumasut naasullu nassuiarneranni artit 1) piniarnermut<br />
aalisarnermullu pingaaruteqartut, 2) qaqutigoortut nungoratarsinnaasulluunniit<br />
aamma 3) nunat tamalaat akornanni pingaaruteqartut immikkut<br />
pingaartippagut. Nalunaarsuutinik atorneqarsinnaasunik peqarsimagaangat<br />
nunap assinginik suliaqartarsimavugut artip arlaannut piffiit<br />
pingaarnerpaasut imaluunniit nunap immikkoortuata iluani pisuussutinik<br />
iluaquteqarneq takutitassiaralugit. Artit ataasiakkaat pillugit nunap<br />
immikkoortuata pingaaruteqassusia kiisalu artip projektimit sunnerneqarsinnaanera<br />
qanoq ilimanartiginersoq nalilertarpagut.<br />
Naasut nunamiittut uumasunut tamaani uumasunut tunngaviupput,<br />
tassunga ilaallutik tuttut, umimmaat nerlerillu. Nunap immikkoortuani<br />
naasut qanoq katitersimanerat assigiinngeqaaq. Tassa sinerissami piffiit<br />
imarpippalaartut aamma sermersuup tungaanut piffiit nunavippalaartut<br />
erseqqissumik assigiinngissuteqarput. Aamma immamit qanoq qutsitsigineq<br />
pingaaruteqarpoq piffiillu qatsissumiittut ilai naasoqanngillat.<br />
Aammattaaq nunap immikkoortuata iluani naasut artit arlaqartut qaqutigoortut<br />
ipput. Imermit nukissiorfiit pilersornissaannut tatsinik imermik<br />
katersivinnik pilersitsinerup piffiit tatsit eqqaanniittut naasunik qallerneqarsimasut<br />
ilai piffissat ilaanni qarsunneqartarnerannik nassataqassaaq<br />
taamalu naasunik qalligaajunnaassalluni. Kisiannili qularnanngitsumik<br />
piffiit killeqakannersuinnaat pineqassapput. Aamma aqqusinernik<br />
pilersitsineq – annikinnerusumik – naasoqarnermut sunniuteqassaaq.<br />
Naasoqarnermut sunniuteqarneq, tassunga ilaalluni artinik qaqutigoortunik<br />
peqassuseq, sanaartugassanut pilersaarutit suliarineqareerpata<br />
misissortariaqarpoq, aqqusernit, kabelit atuagassaat aamma suliffiit allat<br />
sanalerneranni tamakku qajassuunneqarsinnaaniassagamik.<br />
Nunap immikkoortua taanna tuttoqassusermut umimmaqassusermullu<br />
pingaaruteqarpoq. Nunap immikkoortuata iluani tuttoqarnerpaaffiit<br />
Kangerlussuup avannaani aamma Maniitsup Sermiata kujataani ipput.<br />
Kangerlussuup eqqaani nunap immikkoortuata avannaata tungaani<br />
uumasut ingerlaartarput, pingaartumik aasap aallartinnerani aamma<br />
piaqqiutigalutik nunap timaaniittarlutik, ukiullu sinnerani sinerissamut<br />
qaninnerusuniikkajuttarlutik. Uumasoqatigiit taakku aamma allanik ingerlaartarfeqarput<br />
kisianni taakku tunngavilersorluagaanngillat. Nunap<br />
immikkoortuata kujataata tungaani ingerlaartarnerit paasiuminaannerusut<br />
takussaapput, uumasut ilai ukioq kaajallallugu sinerissap qanittua-<br />
9