NY rettet d.13/11 Pitu 2/2000 - Grønlands Naturinstitut
NY rettet d.13/11 Pitu 2/2000 - Grønlands Naturinstitut
NY rettet d.13/11 Pitu 2/2000 - Grønlands Naturinstitut
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kirsten Rydahl Nielsen<br />
Kunuk Kloster<br />
Aasakkut ukiukkullu Pinngortitaleriffiup qalerallit tunisat uuttortartarpai. / <strong>Naturinstitut</strong>tet måler længden på indhandlede hellefisk både sommer og vinter.<br />
Pisaalatsinissamut atorluaannginnissamullu<br />
navianaatit<br />
Nunatta Kitaata avannaani kangerlunni qaleralinniarnerujussuaq<br />
qaleraleqassutsimik sunniisimavoq. Aalisarpallaarneq<br />
ukiumit ukiumut aalisarnerup nikerarnerujussuanik kinguneqarsinnaavoq.<br />
Naatsorsuinerit takutippaat qalerallit ikinnerit<br />
pisarineqarnerini aalisarneq pissarsiaqarfiunerussasoq.<br />
Nunatta Kitaata avannaani qaleraleqassuseq arlalitsigut<br />
immikkuullarissuuvoq. Qalerallit amerlanerit Davis Strædemit<br />
aallaaveqarput. 3-5-inik ukioqaleraangamik kangerlunnut<br />
pulasarput, uumanermillu sinnerani tamaaniittarlutik<br />
aallaavimminnullu uteqqinngisaannarlutik. Kangerlunniinneq<br />
sivisunaarneqarsinnaavoq. Qaleralik 25-nik<br />
ukioqalersinnaavoq <strong>11</strong>0 cm-isullu angitigilersinnaalluni.<br />
Qaleralik ukiumut 3-5 cm-inik allisarpoq, aatsaallu 7-8nik<br />
ukioqaleraangami ningittakkanik pisarineqarnissaminut<br />
aatsaat naammattumik angissuseqalersarpoq.<br />
Ukiuni kingulliunerusuni avannaani kangerlunni qaleraleqassutsip<br />
ingerlaasaa Pinngortitaleriffiup isumakuluutigisimavaa.<br />
Aalisakkat nunguvinnissaannut ernumanartoqarsorinanngilaq,<br />
aalisagaaqqat allat kangerlunnut takkuttuarmata.<br />
Soormi isumakuluttoqassanersoq aperisoqarsinnaavoq?<br />
Aap, aalisarnerujussuup nassataraa, qalerallit<br />
ullumikkut ukioqatigiikkaat ikittuinnanngorsimanerat<br />
aalisakkanillu utoqqarnik amiakkoqanngingajalluni.<br />
Qalerallit pisarineqartartut amerlanerit ukioqatigiikkaani<br />
ikittunnguaneersuupput – aalisakkat affaat sinnerlugit<br />
(60%) ukioqatigiikkaani pingasunik ukiulinneersuupput.<br />
Ukiut ilaanni aalisakkanik minnerit ilaartornerat annikissappat,<br />
qalerallit ikilineri aalisartut malugissavaat.<br />
18 · PITU/December <strong>2000</strong><br />
Paarlattuanik qaleraleqassuseq ukioqatigiikkaani arlalinneersuuppat<br />
qalerallit ilaartornerat ukioq ataaseq annikissagaluarpat<br />
soqutaavallaassanngilaq. Allatut oqaatigalugu<br />
aalisarpallaarnerup nassatarissavaa aalisarnerup<br />
ukiumit ukiumut nikeralersinnaanera.<br />
Pinngortitaleriffiup inassuteqartarnermini anguniarpaa<br />
piffissap sivisunerusup ingerlanerani qalerallit sapinngisamik<br />
pitsaasumik pissarsiffiullutik iluaqutigineqarnissaat.<br />
Akissutissarsiniarluta naatsorsuusiussaagut qaqugukkut<br />
qaleralinnik pisaqartarneq iluaqutaanerussanersoq paasissutissarsiniarluta.<br />
Naatsorsuutini paasissutissiisoqassaaq<br />
qaleralik ukiumut qanoq allisartiginersoq, qassillu<br />
“pissusissamisoortumik” toqusarnersut (nerineqarlutik,<br />
nerisassaaleqillutik il.il.). Naatsorsuutip takutippaa, qalerallit<br />
20-nik ukioqalernissaannut pisarinaveersaarnissaat<br />
imminut akilersinnaanngitsoq, taamaalinnginnerani arlalissuit<br />
pissusissamisoortumik toqoriissammata. Qalerallillu<br />
7-8-nik ukioqartillugit pisarinaveersaarnissaat imminut<br />
akilersinnaanngilaq, amerlasuut ukiuni arlaliunerusuni<br />
uumaannarnissaminnut periarfissaqarluarmata, sulilu<br />
alliartuinnarsinnaallutik. Qalerallit pisarineqannginnerminni<br />
imaluunniit pissusissamisoortumik toqunissamik<br />
tungaanut kangerlunni uninngaannartarmata (nalunaaqutsersuineq<br />
pillugu allaaserisaq takuuk), pisariaarpallaarniarlugit<br />
nukingiussinissaq tunngavissaqanngilaq. Ullumikkut<br />
kangerlunni amerlanerni aalisartut qaleraleqassuseq<br />
iluaqutiginerusinnaavaat. Annikinnerulaartumik<br />
aalisartoqarpat qalerallit anginerulersinnaapput, siunissarlu<br />
ungasinnerusoq eqqarsaatigalugu kiilunngorlugit<br />
aalisartut iluaquserneqarsinnaapput.