Skrifter i Samling Band 3 - Aasentunet

386 Skrifter i Samling III
ETTERORD
I denne utgaava av Aasens skrifter hev eg for det
fyrste prøvt aa faa med alt det Aasen sjølv gav ut, so
nær som reint vitskaplege arbeid og samlar-arbeid. Ordbøker,
grammatikkar, maalprøvor o. dl. er soleis ikkje
medtekne. Ordtøki var det fyrst meiningi aa hava med;
men dei vilde ha sprengt raama for utgaava, og medan
utgjevingi stod paa vart det dessutan funne fram mykje
nytt tilfang, som hadde større krav paa aa koma med.
Ved namneboki kunde det òg vera tvil, av di ho paa
ein maate er eit samlar-arbeid; men umfram namnelistorne
hev ho so mange forvitnelege utgreidingar um
namn og namneskikk, at det var vel rettast aa taka
henne med. – Dinæst er det av uprenta ting medteke
alt som ikkje var reint vitskaplegt eller samlar-arbeid
og som elles var høvelegt til utgjeving. Her er det
vandt aa finna den rette grensa, og mange vil vel tykkja
at det her er teke med for mykje. Sume av dikti burde
vel helst ha vore ute. Men eg vilde heller taka med
vel mykje enn vel lite, naar det fyrst baud seg eit høve
til aa faa ei heilskapa utgaava.
Teksterne er prenta soleis som Aasen skreiv dei. Det
er ikkje brigda anna enn sovore som beintfram maatte
vera mistak. Det fyrste var eg vel var med aa retta, so
det i dikti hev kome inn sumt som vel berre hev sin
grunn i misskriving. Serleg burde eg ha retta meir paa
teiknsetningi; ofte bruka Aasen mest ikkje teikn i det han
skreiv for seg sjølv. Eg arbeidde fraa fyrsten med den