Skrifter i Samling Band 3 - Aasentunet

366 Skrifter i Samling III
og so unner eg ingen betr en deg aa njota denne
Gifta, for du heve Fyremunen fram fyre alle Menner
i Norig. No vil eg og giva deg Konungs-Namn; for
Brøderne hennar vilja traudare unna deg nokon sovoren
Vyrdnad, og dei vilja helder inkje festa deg
Kona so gjerna som eg. Fridtjov segjer: «Stor Takk
skal did hava, Herre, fyre dikkar Vælgjerd, som er
myket større, en eg kunde vona; men inkje vil eg
hava større Namnabot en Jarls-Namn.» Kong Ring
gav daa Fridtjov Valdet yver dat Rike, som han
hadde styrt, og gav honom Handfeste paa dat og
dartil Jarlsnamn; so at Fridtjov skulde raada fyre
Riket til dess, at Kong Rings Søner vaaro vaksne
og fullføre til aa styra Riket sitt. Kong Ring lagdest
ned og laag eit litet Bil, og daa han andadest, vardt
dat stor Sorg etter honom i Riket. Sidan var dat
uppkastat ein Haug etter honom og mange kostasame
Ting ilagde etter hans eigi Fyresegn. Sidan
gjorde Fridtjov ei vyrdeleg Veitsla, daa Mennerne
hans komo til; og daa var dat drukket alt i ein
Gong: Erve etter Kong Ring og Bryllaup til Ingebjørg
og Fridtjov. Og daretter sette Fridtjov seg
fyre Riket og var halden fyre ein stor Frægdar-Mann.
Han og Ingebjørg hadde mange Born saman.
15. FRIDTJOF VERD KONUNG I SOGN.
Kongarne i Sogn, som vaaro Brøder til Ingebjørg,
fingo fretta denne Tidendi, at Fridtjov hadde fenget
Konungs-Vald paa Ringarike og hadde gift seg med
Ingebjørg, Syster deira. Daa sagde Helge til Halfdan,
Broder sin, at detta var ei stor Bisn og for
myken Djervskap, at ein Herses-Son skulde gifta seg
med henne. Daa samnade dei myket Folk i Hop og
foro ut med dat til Ringarike og vilde daa drepa
Fridtjov og leggja heile Riket under seg. Men daa
Fridtjov vardt kunnig um detta, samnade han Folk