Skrifter i Samling Band 3 - Aasentunet

356 Skrifter i Samling III
dartil med sumt av Folket, men daa vaaro dei alt
komne paa Skipet og leto dat rugga fraa Land. No
fann Kong Helge og hans Folk, at alle Skipi deira
vaaro meidde 1 , so dei luto leggja aat Land atter, og
nokre Menner letost 2 med. Daa vardt Kong Helge
so reid, at han var reint avskapad; han tok daa
Bogen sin og lagde Or 3 paa Streng og skulde skjota
paa Fridtjov, og bende Bogen med so myken Styrke,
at baade Bogahalsarne smollo i sunder. Men daa
Fridtjov saag dat, sette han seg til med tvo Aarar
paa Elliden og drog deim so fast, at dei brotnade
baada, og daa kvad han denne Visa:
Kyste eg dan unge
Ingebjørg
Beladotter
i Baldershagen.
So skulo Aarar
paa Elliden
baada bresta
som Bogen hans Helge.
Sidan tok dat til aa gusta og blaasa innan etter
Fjorden, og daa vundo dei upp Seglet og siglde.
Fridtjov sagde deim, at dei skulde bua seg soleides
til, at dei inkje skulde dveljast dar fyre nokor Lengd.
Sidan siglde dei ut etter Sognafjorden, og daa kvad
Fridtjov ei Visa:
Ut or Sogn mid siglde;
sidste Gong mid foro,
leikade Elden yver
Odalstufter vaara.
No teker Baal aa brenna
Baldershagen i Midja;
di fær eg Varg i Veom 4
(vist eg veit dat) heita.
1 Meidd: skadad, hoggen.
2 Letost: leto Livet, druknade.
3 Or, elder Ør: Pil (til Bogaskot).
4 Ve er vigde Stader elder Heilagdomar. «Varg i Veom» skulde
dan heita, som hadde gjort Skade paa ein heilag Stad.