Skrifter i Samling Band 3 - Aasentunet

352 Skrifter i Samling III
som inkje duga til annat en aa forkoma Folk med
Trollskap. No veit eg og,» segjer Angantyr, «at dat
er di Ærend hit, Fridtjov, at du er send etter Skatt,
og dar skal eg giva skjott Svar, at Kong Helge skal
ingen Skatt av meg faa; men du skal hava Lausepening
av meg, so myket som du vil, og dat kann
du kalla Skatt, um du vil, og med eit annat Namn,
um du helder vil dat. Fridtjov sagde, at han vilde
taka mot Peningen.
8. KONG RING FÆR INGEBJØRG.
No skulo mid segja, kvat som hendest i Norig,
fraa di at Fridtjov var burtfaren. Brøderne (Helge
og Halfdan) leto brenna heile Garden paa Framnes.
Men daa dessa Systerna (som fyrr ero umtalade)
vaaro aat med Seiden sin, so dotto dei ned av Seidhjellen,
og darmed brotnade Ryggen i deim baada.
Denna Hausten kom Kong Ring nord til Sogn til
Bryllaupet sitt, og dar var haldet ei stor Veitsla, daa
han drakk Bryllaup med Ingebjørg. «Kvadan er dan
gode Ringen komen, som du heve paa Handi,» sagde
Kong Ring til Ingebjørg. Ho sagde, at Fader hennar
hadde aatt honom. Han svarar: «Detta er Gaava
hans Fridtjov, og dan skal du taka av Handi strakst;
for dat skal inkje skorta deg Gull, naar du kjem til
Alfheim 1 ». Daa gav ho Ringen fraa seg til Kona
hans Helge (Broder hennar), og bad henne giva Fridtjov
Ringen, naar han kom atter. Sidan for Kong
Ring heimatter med Kona si og lagde myken Elskug
til henne.
9. FRIDTJOV KJEM HEIM.
Um Vaaren daretter for Fridtjov fraa Orknøyom,
og han og Angantyr skildest med Kjærleike. Hallvard,
1 Dette Namnet høver inkje til dat, som fyrr er sagt; for Alfheim
var langt ifraa Ringarike, umkring som ved Fredrikshall.