Skrifter i Samling Band 3 - Aasentunet

II Skrifter i Samling III
Føreord (1997)
Skrifter i Samling kom ut i tre band i 1911 (band I) og 1912
(band II og III), redigert av Knut Liestøl. Dette er den største
samleutgåva av skriftene til Aasen som har kome ut, og det er
eit sentralt referanseverk i litteraturen om Aasen. Det er ei
liste over dei ulike samleutgåvene i bibliografidelen på denne
cd-en.
Trass i storleiken er tittelen Skrifter i Samling misvisande.
Trebandsverket inneheld berre eit lite utval av den store produksjonen
til Aasen. Ingen av dei større verka (grammatikkane,
ordbøkene, Prøver af Landsmaalet, Norske Ordsprog) er
med, og det er heller ikkje ein del av dei artiklane som stod
på prent i levetida til Aasen. Sjå elles «Etterord» av Knut
Liestøl i dette bandet.
Skrifter i Samling vart på nytt tilgjengleg som bok i 1996
då Gyldendal gav ut ei ny fotografisk utgåve med etterord av
Kjell Venås. Dei tre banda er der samla i eitt band.
Denne elektroniske utgåva ligg tett opp til originalutgåva
i 1911–12, og sidenummera på boksidene er dei same. Dei
viktigaste skilnadene er:
1) innhaldslista er her flytt fremst, og dei nye sidene er
nummererte med romartal,
2) teiknet er bytt ut med «d. v. s.»,
3) rettingane som er førte opp lengst bak i bokutgåva er
førte inn i hovudteksten, og nokre prentefeil i bokutgåva
er retta utan at det er gjort greie for det i kvart einskild tilfelle,
4) nokre av overskriftene er retta slik at dei no er i samsvar
med originaltitlane på stykka.
Det er laga lenkjer slik at ein kjem seg frå teksten til merknadene
ved å trykkja på ved overskriftene.
Skrifter i Samling er skanna og korrekturlese av
Dokumentasjonsprosjektet ved Universitetet i Oslo.
Oslo, januar 1997
Oddmund Løkensgard Hoel