Skrifter i Samling Band 3 - Aasentunet

Skrifter i Samling III
ein Skilnad imillom desse Maali, kor som er, so at
det inkje lett er tenkjande aa slaa deim ihop atter.
I visse Deilder stend det norske Maalet endaa jamsides
med Islandsken, men i ymse andre Ting stend
det helder jamsides med Svensken; og ymse gamle
Former, som inkje vaaro serdeildes naudturvelege,
ero no avgløymde her i Landet, so at naar Aalmugen
skulde læra deim, so maatte det ganga med Studering,
og dette vilde verda for myket mødosamt. Men
naar soleides det norske inkje kann verda fullt det
same som det islandske, so maa eg tru, at det inkje
er so grant med det, um det eine Maalet kjem til
at standa nokre faae Stig lenger burte fraa det andre.
Det vigtugaste fyre oss er daa, at Bokmaalet kann
vera nokorleides likt med Folkatalen i hans beste
Skapnad, og dess meir ein kann hava Aalmugen
med seg, dess tryggare kann ein ganga fram. Det er
ei Naudtorv, at Folket skal faa Smak paa eit Maal,
som det kann kjennast ved og hyggja seg til, og
daa fyrst kann Maalsaki taka sterke Stig og ganga
fram, so det munar.
No ser eg, at Utgivaren sjølv heve kjenst ved, at
dette Maalet vilde verda nokot tungført fyre Aalmugen,
og at han ogso heve tenkt paa nokot, som
var lettare til aa byrja med. Lengst fram i Boki
heve han sett det Ynsket fram, at Upplysnings-Sellskapet
skulde giva fleira Bøker ut i same Maalet,
som eg heve skrivet, soleides som i «Fridtjofs Saga».
Dette maa no eg tykja vel um; men endaa heve
eg ein Anke imot, at det soleides skulde verda fyrst
eit Maal fyre Aalmugen og so eit Maal fyre andre
Folk; ei slik Tviskifting vilde vera ei Uheppa. No
kann ein alltid gjera Umbrøyting i eit og annat einskilt
Ord f. Ex. «at» fyre aa, «nu» fyre no, og
meir slikt; det kann altsaman hava sin Grunn, og
Maalet er daa det same lika fullt; men naar Avbrøytingi
skulde verda so stor som i denne Boki, daa
133