Skrifter i Samling Band 3 - Aasentunet

Skrifter i Samling III
same Retten. No er det kunnigt, at det danske Maalet
inkje i sjølvo seg er rikt nog til dei høgre Maalemni,
og at det hjelper seg berre med store Laan
av framande Ord; og naar no nokon vil krevja, at
det norske Maalet skal baade svara likt imot alle dei
danske Ordi og endaa svara likt imot alle dei framande
Ordi i Dansken: daa krev han meir, en som
nokon med retto kann krevja; daa gjerer han Urett
imot det norske Maalet. Ein skulde knapt kunna
lasta oss, um me brukade lika so mange framande
Ord som i Dansken; og naar me no freista paa aa
setja norske Ord i Staden, so er dette meir, en som
me eigenlega vaaro skyldige til aa gjera; det er ei
Framjelp til eit reinare Maal, og ei Prøva paa, at
dette Maalet heve Tilfang og Vyrke (Materiale) til
myket meir, en som mange hava vonat. Men sidan
dette er ein Tanke, som lett kann verda vanskynad
og misteken, som fyrr er sagt, so var det alltid best,
at ein no i Fyrstningi skulde halda seg til slike lettare
Maalemne, som kunna avgreidast med kunnige
og sedvanlege Ordalag.
No kann ein vistnog segja, at ei Avgreiding i
same Stiil som denne Boki er og so tungfør i andre
Maal, at ho inkje vilde vera stort lettare aa lesa i
Tydsk elder Dansk, og at det eigenlega er berre ein
Vane, som gjerer, at Folk ero viljuge nog til aa studera
dei floknaste og mest uppskruvade Talar i
Tydsk og Dansk, medan dei inkje vilja høyra annat
en berre Visor og Eventyr paa Norsk. Det er vist,
at Folk ljota eingong venja seg til nokot annat og
til nokot aalvorsamare i det norske Maalet; men det
er eit Spursmaal, um denne storlaatande lærde Stilemaaten
er nokot, som er verdt aa halda paa. Det
synest daa vera vist, at dei fleste Maalemni kunde
godt vera avgreidde i eit tydelegare Ordalag, og at
Skrifterna daa vilde koma til fleire Lesarar og gjera
ein større Verknad. Det ser ogso ut til, at Folk
131