Skrifter i Samling Band 2 - Aasentunet

66 Skrifter i Samling II
SIDSTE KVELDEN
elder:
GUNNBJØRG PAA HAUGEN.
Unge Gunnbjørg, som næste Dagen skal fylgja med paa Flutning
utor Landet, hever sett seg paa ein Haug til aa taka ei sidste Utsyn
yver Heimstaden sin.
So er daa denne Dagen til Ende komen, og so
er det altsaman tilreidt og fraa seg gjort til Avferdi
herifraa. Det hever voret ein annsam Dag; eg hever
trøytt og skundat meg, som mest eg vann, so at eg
sidstpaa skulde faa ei fredeleg Stund til aa ganga ut
og sjaa utyver Barneheimen og tenkja paa Barndomen.
Men no verda desse Tankarne so mange og
so vidsvivande, at eg verd reint fortullad utav deim;
det kjem paa meg som ei Ørska, so eg ikkje rett
veit, um eg er vakande elder berre drøymande. Difyre
vilde eg no vera einsaman fyre meg sjølv ei
liti Rid, so at ikkje Folket skal sjaa, kor avlagad og
undarleg eg er. Men det er no og ein tyngjande
Tanke, at ein soleides skal slita seg laus fraa alt det,
som ein er van til aa sjaa og høyra, fraa Hus og
Heim, fraa Gard og Grend, fraa Jamlikar og Kjenningar
og endaa fraa sjølve Landet, som ein er uppalen
i, og derimot vanka ute paa Viddom, der alt er
nytt og framandt, og der det visst er mangt uhuglegt
aa møtast med. Naar eg tenkjer paa alt slikt,
so verd eg reint ræddhugad; for eg tykkjer, det er
altsaman so forvillande og so undarlegt og so syrgje-