Skrifter i Samling Band 2 - Aasentunet

260 Skrifter i Samling II
Mus, Vond, Lemende, Ikorn, Bjor (elder Bøver), Hare,
Bustyvel, Musskjer, og dertil ogso Flogmus elder
Skjaavengja, som heve ei Skinna imillom Fotom til
aa fljuga med. – 2) Hovdyr er berre faae Slag;
dertil høyrer Hesten (og Æselet) med einfelde elder
heile Hovar og (i andre Land) Elefanten, Elvhesten
og Einhyrningen (elder Nashornet) med skilde Smaahovar;
og hertil rekna dei ogso Svinet, som elles er
likt Klauvdyrom i Foteskapet. – 3) Klauvdyr (elder
Jortardyr) er slike som: Elg, Hjort, Rein, Geit, Saud
og Naut (elder Ku); dei hava jamnaste Horn paa
Skolten og skilja seg fraa dei andre Dyrslag med
ein serleg Mageskapnad, som er slik, at dei kunna
«jorta» elder gulka Foderet upp or Magen og tyggja
det upp atter. – 4) Sveivdyr er slike som Kobbe
(elder Sel) og Hav-erkn og Rossmaal; det er Sjodyr,
som hava Sumlabbar elder Sveivar, men som elles
era like Klodyrom. – 5) Sporddyr er slike som Kval
og Vagn (elder Staurhyrning) og Nisa; dei hava full
Fiskeskapnad med snaud Hud og eit Par Sveivar,
men elles ingi Føter, so at det er Sporden, som dei
røra seg mest med; men i Beingrind og Innreide era
dei mest like Spendyrom.
I andre Jordbolkar er det elles mange fleire Slag,
som ikkje era uppnemnde her; derimillom er ymse
Klauvdyr, som Kamela og Steingeit, og mange Klodyr,
som Løva og Tiger (med Kattarskap), og dertil
Pungdyr og Beltedyr og ymse andre. Eit serskilt
Slag er Aporna, som era mest like Menneskja, men
hava alle Utlimerne skapade som Hender og difyre
era best lagade til aa kliva i Skogom.
Mange av Klodyrom merkja seg ut med Mod og
Styrke og ein rik Reidskap til aa berga seg med;
men daa dei alltid vilja hava Kjøt til Fodring og
difyre gjera myket Draap og Skade paa andre Dyr,
verda dei jamlege kallade Udyr elder Rædyr og
myket etterjagade. Hovdyr og Klauvdyr liva derimot